Во март ќе почне изградба на градинка во Јосифово, најави градоначалникот Костадинов

1793

Во март годинава се очекува да почне изградбата на Детска градинка во валандовско Јосифово. Вака најави градоначалникот на општината Перо Костадинов кој заедно со министерката за труд и социјална политика Јагода Шахпаска  беа во посета на клоновите на детската градинка ,,Калинка’’ и но и Дневниот центар  за деца со посебни потреби во ова општина. Како што кажа градоначалникот  Костадинов градинката во Јосифово треба да има капацитет од  57 деца и да биде готова кон средината на идната година. Објектот ќе се гради по сите современи стандарди а ќе биде и енергетско ефикасен

,,Во финална фаза е постапката за избор на изведувач на градежните работи. Во март ќе започне изградбата на детската градинка која според моите информации треба да биде готова во рок од  16 месеци. Со тоа сите населени места во општина Валандово ќе бидат покриени со објекти на полето на детска заштита. Во Јосифово во моментов функционира клон но капацитетот е мал,, рече Костадинов

Пред извесен период во ова општина беше ставена во функција детската градинка во Брајковци за бојмискиот регион која е со капацитет од 40 тина деца а градоначалникот Костадинов најави постапка за изградба на градинка и во Чалакли за децата од турската заедница

,,Наша цел е да нудиме интеграција и инклузија  на сите деца затоа во наредниот период планираме да оспособиме да оспособиме и отвориме детска  градинка и за децата од турската заедница а наш тарргет е населеното место Чалакли,, рече Костадинов

Костадинов заедно со министерката Шахпаска го посетија и Дневниот центар за деца со посебни потреби кој моментално го посетуваат 12 дечиња на возраст од 5- 14 години. Заложбите на Министерството и општината се во насока на обезбедување на поголем опфат на деца со посебни потреби уште од најраната возраст но и после четиринаесетата година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.