Вечерва на полноќ нови цени на горивата, бензините поскапуваат дизелот певтинува

917

Согласно својата методологија за утврдување на малопродажните цени на горивата во Македонија, Регулаторната комисија за енергетика донесе одлука со која вржи зголемување на цените во просек за 0,09 проценти во однос на последната одлука.

Ова значи дека малопродажните цени на бензините Еуросупер БС-95 и Еуросупер БС-98 се зголемуваат за денар и половина, додека цената на дизелот се намалува за еден денар.

Со други зборови, од ноќеска на полноќ еден литар Еуросупер БС-95 ќе се точи по цена од 92 денари, литар Еуросупер БС-98 ќе се продава по цена од 94 денари, додека Еуродизел ќе се продава за 86 денари за секој литар наточено гориво.

Од Регулаторна истакнуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 1,33 проценти, додека кај дизелот има намалување за 1,84 проценти.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.