Велосипедисти и планинари викендов ќе ги истражуваат убавините и мистериите на Беласица по патека долга 44 километри

3445

Викендов во организација на Велосипедскиот клуб ,, Актив ’’ од Струмица а во рамките на годинашново издание на СОФ 2019 ќе се одржи велосипедската планинска тура ,,Мистериите на Беласица’’ на која ќе учествуваат велосипедисти, планинари, рекреативци, влубеници на природата. Станува збор за дводневен настан во кој сите учесници ќе имат можност да се искачат на планинскиот врв Тумба и Ботра и да се симнат, патека долга околу 44 километри при што ќе се видат убавините на Беласица

Според програмата првото  тргнување е утре (сабота)  во 13:00 часот од населеното  Смолари додека другите групи во 14:00, 15:00 и 16:00 часот. сите тие со велосипед или со печашење ќе се искачат до Планинарскиот дом „Шарена чешма“, на 1276 метри надморска висина. Таму за сите учесници на ,,Мистериите на Беласица’’ ќе се организира забава со музика во живо.

Следниот ден, во недела, од Планинарската куќа се тргнува во 10:00 часот со искачување до врвот Тумба но и до врвот именуван по трагично загинатиот претседател Борист Трајковски односно БоТра, именуван по загинатиот претседател Борис Трајковски по што се враќаат преку Сечена скала во 16:00 часот на ручек во Планинарската куќа „Шарена чешма“

,,Маркирана е патеката, исчистена кампинг зоната и патот до мистериозниот водопад Трикрак кој се наоѓа пред планинарскиот дом Шарена Чешма. Сите посетители на настанот ке имат можност да го видат водопадот, да се качат на врвот Тумба односно Ботра, да поминат низ местото Сечена Скала, Ѓаволски Мост, да се сликаат на Селфи Каменот и да уживат во природните убавини на Беласица,, информираа од ВК Актив од Струмица

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.