Белчовска реагира на казната затвор од 30 месеци за момчето што ја прегази Верче чии органи беа донирани

811

Семејството Белчовски од беровско Русиново реагираат на донесената пресуда од 30 месеци казна затвор за возачот кој на пешачки премин во Струмица  ја удри нивната ќерка Верче чии органи беа донирани после една недела. Штипска апелација ја зголеми казната за 18 годишниот струмичанец откако струмичкито суд  летово го осуди на казна затвор од 15 месеци а семејството поднесе жалба . Душанка Белчовска  вели дека никој не може да и ја врати ќерка и,  но ја боли што во самата постапка, судот во Штип потклекнал на лаги дека обвинетиот  со семејството се грижеле за нејзината ќерка

,, Дуплирана му е казната но не сме задоволни . Животот на мојата ќерка не може да се врати но казната е мала. Многу лаги изнесоа,  демек се грижеле за мојата ќерка додека беше во кома и носеле влажни марамчиња за хигиена. Тоа е се лага. Никогаш не се јавија да прашат како е а камоли да се грижат,, кажа Душанка која вели дека утехата ја бара во секојдневните контакти со дел од лицата кои добија органи од Верче

Реагираше и адвокатката на Белчовски, Сања Мирчов која смета дека казната е премала бидејки сообраќајката се случила на пешачки премин за која момчето имало две кривични пријави

,,Со вакви судски одлуки со кои сторители на кривични дела и носење на човечки животи,  во никој случај не може да спречиме дивеење на возачите и се додека судовите изрекуваат вакви мали санкции, возачите нема да постапуваат одговорно зад воланот,, вели Мирчов

Откако беше констатирана смрт кај Верче, семејството Белчовски  одлучи да ги донира органите Срцето на 20 годишната беровчанка беше трансплатирно кај Иле Трезовски а беа донирани и бубрезите како и коските за пациетни со тешки фрактури или немале можност да стават протези .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.