Струмичка Беласица оствари победа над Кожуф од Гевгелија во рамките на 13 тото првенствено коло од Втората фудбалска лига на Македонија. Струмичките синобели на свој терен славеа со 3:1. Стрелеци беа Милушев, Радојчиќ и Митевски додека за гостинскиот состав погоди Ристовски. Ова е петта победа на Беласица со која се проби на седмата позиција на табелата
Радовишки Детонит Плачковица дефинитивно знае како да игра против големи фаворити кои целат за пласман во Прва лига. Денес пред своја публика одигра 1:1 против Гостивар со што ги симнаа од лидерската позиција. Со голот на Танушев во 61. минута гостите поведоа но само три минути подоцна Настевски погоди за конечните 1:1 со што радовишани откинаа два бода од претендентот за Прва лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
