Ќе се уредува дворот на школото Атанас Нивичански во Нова Маала, потпишан договор за изработка на техничка документација

469

Општина Василево ги обезбеди потребните средства за изработка на техничка докуметнација со ревизија за уредување на училишниот двор на ,, Атанас Нивичански” во Нова Маала. Градоначалникот Славе Андонов, го потпиша Договорот во рамките на проектот „Јакнење на општинските капацитети за имплементација на проекти“, како активност на Фондот за техничка документација спроведена од  УНДП со финансиска поддршка од Шведска и Бирото за регионален развој со кој се одобруваат пари и за општина Василево токму за изработка на техничка документација

Како што  информира градоначалникот Андонов, на настанот на потпишување на договорот присутни биле и постојан претставник на УНДП, Армен Григорјан, директорот  на Бирото за регионален развој, Рамиз Реџепи и раководителот на развој на соработка на Шведска, Микаел Атерхог.

„Покрај главната цел на настанот, во оваа прилика се дискутираше и за планираните идни активности во рамките на Фондот за техничка документација. Посебен осврт се даде на плановите за негово институционализирање како постојан механизам за финансиска и техничка поддршка на локалните самоуправи во подготовката на висококвалитетна техничка документација и целокупното управување со градежни проекти во општински контекст“, напиша градоначалникот Андонов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.