Ќе се реконструира патот до Ѓавато, Општина Богданци потпиша договор со изведувачот

1464

Општина Богданци пред извесен период склучи договор со струмичката фирма Жикол која наредниов период ќе треба да отпочне со работите за реконструкција на патот до Ѓавато односно првата фаза од локалниот пат Л603  Стојаково – Ѓавато.  Станува збор за делницата од Ѓавато до бензинската Шимов  односно до раскрсницата со регионалниот пат Р1109 во должина од 1010 метри при што ќе се реконструира и мост на Луда Мара

На распишаниот тендер за реконструкција на овој патен правец се јавиле 4 компании. На е-аукцијата, односно јавното надавање, најниска понуда доставила фирмата Жикол од Струмица. Тие патот ќе го реконструираат за 274 илјади евра или за 16 680 000 денари. Средства се обезбедени од Бирото за регионален развој во висина од 13,68 милиони денари додека остатотко се средства од Буџетот на општината. Според потпишаниот договор фирмата Жикол ова делница треба да ја заврши во рок од 90 дена од денот кога ќе биде воведена во работа на терен

Реконструкцијата на ова делница треба да придонесе кон кон подобрување на патната инфраструктура и подобрување на условите за живот на граѓаните во овој дел од регионот. Реализацијата на првата фаза од овој проект се очекува да донесе полесна локална комуникација на населението, зголемување на безбедноста во сообраќајот за сите учесници, подобрување на пристапот на земјоделците до нивните ниви, безбедност во сообраќајот и за пешаците

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.