Јанева го промовираше новиот сингл со спот „Одвреме навреме“ која сама го снимала со телефон и gimbal во Италија (ВИДЕО)

448

Поп пејачката од Струмица Александра Јанева која деновиве беше побарана за жена во Париз Франција од своето момче Иван, на социјалните мрежи го објави најновиот сингл и видео-запис на  „Одвреме навреме“ која сама го правела во Италија.

„Ова е првото видео кое го снимив сама, со телефон и gimbal. Непосредно пред да заминам на патување ја поставивме песната во студио и не можев да престанам да ја слушам! Па си реков, зошто да не ја снимам мојата најсвежа реакција во преубавата Италија. Се надевам дека ќе ви се допадне!“, вели Александра.

Видеото е снимано во италијанската покраина Апулија, на местата Бари, Чистернино, Полигнано а Маре. Музиката и аранжманот се дело на Лазар Цветкоски, долгогодишниот соработник на Јанева, а зад текстот се потпишуваат двајцата заедно. За едитинг и колор корекција се погрижи Горан Симјановски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.