Шпекулации се вестите дека не сакаме Прва лига, Беласица има една цел пласман во елитата, објавија струмичките синобели

266

ФК Беласица на својата ФБ фан страна ги демантираше шпекулациите кои се појавија во фудбалските кулоари дека не сакаат да играат во Првата фудбалска лига. Струмичките сино бели во Втората лига Исток пред да се прекине првенството заради коронавирусот се лидери во ова друштво и сеуште се чека конечната одлука на ФФМ. Сметаат дека вака пуштените информации во јавноста е да се отргне ФК Беласица од кошот на фаворити кои сакаат да играат во Првата лига. Еве што стои во соопштението од УО на ФК Беласица на ФБ.

,,Уште на почетокот на сезоната, ФК Беласица имаше зацртано само една цел и амбиција, директен пласман во ПМФЛ. Во текот на цела сезона, до прекинот на првенството во март поради пандемијата со ковид-19, се наметнавме како лидери и тој успех не може никој ниту да го оспори ниту да го негира, иако поголемиот дел од медиумите не не ставаа во „кошот” на фаворити. Со оглед на шпекулациите што кружат низ фудбалската јавност, дека ФК Беласица не сака да влезе во ПМФЛ, иако е на прво место цела сезона, ние сакаме да ги демантираме овие гласини и го заземаме следниот став:

ФК Беласица има амбиции за влез во ПМФЛ. Па така, доколку првенството продолжи, ние ќе го потврдиме тоа. Во спротивно, доколку Управното тело на Фудбалската федерација на Македонија се одлучи за било какво друго решение, се надеваме дека ќе донесе фер и коректна одлука со која ќе бидат задоволни сите фудбалски клубови’’.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.