Чест ми е што ќе трчам за Благој Истатов, вели Николче Ѓорѓиев кој во недела ќе трча од Струмица до Дојран

2338

,,Лично не го познавав а како мал доста слушав за него. Чест е да се трча за големото голманско име,, вели Николче Ѓорѓиев кој е иницијатор за маратонот од Струмица до Дојран во должина од 42 километри во чест на Благој Истатов а за кој допатува од Швајцарија а ќе биде придружуван од членовите на велосипедистите од Актив од Струмица. Станува збор за човекот кој лани трчаше од Струмица до Гевгелија за пациентите со пулмонална хипертензија, но годинава се одлучил да со влубениците на маратоните да трча за голманот кој силно ја промовираше Струмица и Дојран во фудбалските кругови

Стартот на ,,Трчаме со Николче’’ е закажан во 10 часот на стадионот Благој Истатов во Струмица од каде ќе почне четири часовното трчање се до Дојран. Засега се пријавени околу 20 тина учесника, иако како што кажа Ѓорѓиев по целата делница може да се приклучат и други лица за да се упати апел за се почесто рекреативно трчање

,, Овој потфат немаше да го реализирам без членовите на ВК Актив од Струмица. Дел од нивните членови ќе возат велосипед од Струмица до Дојран. По пат кај Валандово ќе ни се приклучат и други лица кои ќе трчат. Нашата цел е да не се заборави ликот и делото на Истатов но и да испратиме силна порака до сите дека треба да се спортува. Па ова нека биде покана и до сите вљубеници на трчањето да ни се придружат и кој колку може нека трча за Истатов, бидејки организациски ќе бидеме покриени и со возила,, ни изјави Ѓорѓиев

По завршувањето на маратонското трчање во Дојран се планира и заеднички ручек и дружење во мотелот кој го носи името на големото голманско име Благој Истатов. Лани  во декември ултрамаратонецот Ѓорѓиев заедно со уште десетина маратонци но и велосипедисти од ВК Актив истрачаа и извозеа околу 50 километри за пациентите со пулмонална хипертензија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.