ЦРЈИПР организираше обука – како со дронови до рано откривање и превенирање од шумски пожари

407

Центарот за развој на Југоисточниот плански регион деновиве во Струмица организира обука за пожарникарите од Југоистокот но и за сите чинители кои се вклучени при вакви непогоди како да ракуваат и управуваат беспилотни летала за рана детекција на шумски пожари.  Имено Центарот во рамките на проектот eFidar набави три специјализирани дронови со термална камера за рано откривање на пожари со резервни батерии од производителот DJI Модел: Mavic 3 Thermal за ТППЕ Струмица, Гевгелија и Радовиш.

,,Со цел успешно управување на овие дронови и соодветно прибирање на информации, Центарот организира дводневна заедничка тренинг програма за сите засегнати страни меѓу кои се претставниците на четирите ТППЕ од регионот, претставници од Центарот за управување со кризи, како и Дирекцијата за заштита и спасување. Оваа иновативна обука ќе им овозможи на засегнатите страни да ги користат дроновите како моќно средство за рано откривање и следење на пожарите во реално време.  Обуката вклучува стекнување на практични знаења за управување со дронови, технички аспекти на нивната операција, и користење на специјализирани камери и сензори за откривање чад. Учесниците ќе научат како да ги користат дроновите за брзо лоцирање на пожарите, што ќе им овозможи да реагираат на време и да спречат нивно ширење. Оваа обука не само што ги подобрува капацитетите за борба против шумски пожари туку и допринесува за поголемата безбедност на локалната заедница и животната средина,, информираат од Центарот

Инаку Центарот за равој на Југоисточниот плански регион го имплементира проектот „Рано откривање на пожарите и нивно движење за превенција и справување со катастрофи – eFIDAR“. Центарот е проектен партнер во овој проект и го имплементира заедно со Регионот на Централна Македонија, Грција и Центар за управување со кризи, Република Северна Македонија. Проектот е финансиран од страна на Европската Унија преку Интеррег ИПА Програмата за прекугранична соработка помеѓу Грција – Р. Северна Македонија, Реф. Бр. CN2- SO2.4-SC044.

Општата цел на овој проект е ефикасно откривање и управување со шумски пожари во прекуграничната област преку соодветни ИКТ алатки и соодветна опрема и возила со цел зголемување на подготвеноста, како и размена на практики меѓу партнерите од двете земји.

 

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.