Центарот за развој на Југоистокот во Хрватска го доби признанието „Stvaratelji za Stoljeca“ за развој на претпримништвото во Европа

625

Центарот за развој на Југоисточниот плански регион  се најде во групата „300 најуспешни“ од Средна и Југоисточна Европа и е меѓу добитници на најпрестижните награди „Stvaratelji za Stoljeca“ што ги доделува реномираната организација „ Глобал Локал“. На седмиот Регионален самит на претприемачи кој се одржа во Дубровник Хрватстка, Центарот доби награда во категориите на институции кои со своето дејствување, придонесуваат услови за развој на претприемништвото во Македонија.

Ова високо меѓународно признание доаѓа од меѓународно жири составено од еминентни професори, иноватори, претприемачи кои во работата на Центарот за развој на Југоисточниот плански регион и функционирањеето на регионалниот Бизнис центар, препознаа институционална поддршка на сите претприемачи а со реализацијата на инфраструктурните проекти овозоможуваат услови за економски развој на овој дел на Македонија.

,,Горда сум што сме добитници на оваа награда и особено ми е драго што нашиот труд е препознат од другите дури и на меѓународно ниво, бидејќи во оваа динамично време, кога сите сме окупирани со проблеми е навистина реткост некој да те предложи и препознае како добитник на престижна награда и тоа е само доказ дека се уште постојат луѓе кои го ценат трудот и борбата за што подобри резултати. Голема е одговорноста која ни е дадена и со сета наша волја, сила и желба да го подобриме животот на сите во Југоисточниот регион, продолжуваме во остварување на оваа голема визија,, напиша Жулиета Ѓуркова директор на Центарот за развој на Југоисточниот плански регион која имаше и своое обраќање пред големиот број претприемачи  на самитот во Хрватска
Наградата се однесува за 2019 тата година но заради пандемијата целата манифестација беше одложена за ова година кога се доделија наградите и за 2020 тата. Имено наградата „Stvaratelji za Stoljeca“ е еден вид претприемнички Оскар и се доделува само на големите визионери и лидери на утрешнината чија бестрашност, работа, знаење, креативност и врвни резултати се темел и главен двигател на напредокот на заедницата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.