СОУУД ,, Димитар Влахов,, од Струмица кое лани во август на стартот од ова учебна година доби на користење земјоделско земјиште од околу 20 хектари кај Моноспитово, доби земјоделска механизација. Станува збор за трактор од марката John Deere но и приклучна механизација: плугови, брани, прскалки , ѓубрерастурач, атомизер. Според информациите станува збор за дотација од министерството за образование во рамките на проектот за унапредување на стручното и техничкото образование
,, После долги години конечно добивме земјиште во атарот на селото Моноспитово иако имаме ученици – земјоделска струка. По добивањето, дел ја засеавме со пченица а во тек е подготовка на земјиштето за цвекло. Конечно, благодарение на Владата добивме модерен нов трактор со неколку приклучни елементи кои ќе послужат за нашата економија,, кажа директорот Димитар Ѓоргев
Механизацијата ќе биде користена од страна на професорите и средношколците од земјоделската струка како дел од практичната настава но и по предметот земјоделска техника. Паралелно ќе се користи и за економијата на СОУ Димитар Влахов.
,, За првпат учениците ќе имат можност да работат со нова механизација конкретно практично возење, орање, прскање. Наша цела е да стекнат знаења и вештини и да бидат подготвени за вклучување директно во агросекторот,, истакна професорот Динчо Крстев
,, Новата механизација преставува клучен услов за современо земјоделско производство. Со истата сакаме да ги едуцираме средношколците со новите техники и вештини на современото земјоделство,, потенцираше професорот Томе Тимов
Според проекциите земјоделската механизација што ја доби СОУ ,, Димитар Влахов’’ од Струмица чини повеќе од 30 илјади евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
