Општинската фудбалска лига на Струмица ќе се прошири со најмалку седум нови екипи од следната натпреварувачка сезона. Во ОФС Струмица стасале пријави од сите општини од струмичко-радовишкиот регион или од сите општини од овој дел на државата. Веста ја потврдија и од ОФС Струмица. Во моментов официјално пријава и потврда дека ќе настапат има од екипи од Босилово, Василево, Муртино, Бориево, Сушица, Иловица и Бориево. Се чека потврда на фдубалски екипи и од општините Радовиш и Конче кои исто така најавиле свое учество за натпреварувачката 2026/27 сезона под капата на ОФС Струмица
Ова сезона Општинската лига на Струмица или Лигата на ОФС Струмица броеше осум екипи. Тронот им припадна на ФК Огражден од Ново Село кој сезоната ја завршија со 9 победи 4 нерешени исходи и само еден пораз. Титулата ја освоија со победата над Интер Кукла од Куклиш кој заврши како Вицешампион. Освен овие екипи оваа сезона се натпреваруваа и Слога од Злеово, Спартмани од Градско Балдовци, Илинден од Добрејци, Единство од Пиперево, Напредок од Радово и Дрвош. Лигата понуди доста интересни мечеви, изненадувања но и многу атрактивни голови а пред се пријателство и дружење меѓу тимовите оти фудбалот не познава граници.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
