Фото: Преку Центарот за развој на Југоистокот, изградена нова плажа во Дојран долга околу 300 метри со пешачка патека

977

Преку Центарот за развој на Југоисточниот плански регион, општина Дојран изгради нова плажа долга околу 300 а широка околу 20 метри. Плажата се наоѓа меѓу ЕЛЕМ и ФукТак. Плажата се градеше со средства обезбедени од Бирото за регионален рамномерен развој кои извршија контрола на изведените работи од страна на Џови Компани. Станува збор за просторот каде се дислоцираше патеката која беше демолирана од надојдените води со што сега се дозволува езерото да се шири по природен пат.

,,Станува збор за проект на Центарот за развој на Југоисточниот плански регион кој обезбеди средства за отварање нова плажа. Станува збор за простор од околу 300 метри. Патеката е дислоцирана на овој потег за да може езерото природно дише и се чисти што впрочем го бараа сите добри познавачи на езерото. Патека има и  ја заобиколува плажата. Во наредниот период планираме на потегот кон Стара Мрдаја да изградиме патека покрај патот и да отвориме нови простори за плажи” , ни изјави градоначалникот на Дојран Анго Ангов

Новиот уреден простор го поздравија сите дојранчани бидејки сметат дека на овој дел од дорјанското крајбрежје беа потребни локации за плажирање. Плажата од Елем до ФукТак има благ нагиб и е насипана со автохтон песок со дебелина од над 30 сантиметри откако претходно се тампонираше просторот со речен шлунковит сепариран камен од половина метар

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.