За три дена во Радовиш изедени над 40 000 самуни од над 30 илјади посетители на ,,Самун ем татлија”

1733

Како дел од големиот јубилеј „1000 години Радовиш“ викендов се одржа седмото издание на ,,Самун ем татлија “ во организација на Центарот за култура ,,Ацо Караманов” а под покровителство на општина Радовиш која од сопствениот буџет издвои околу 23 илјади евра за ова манифестација и околу 5 илјади евра министерството за кулутра.

,,Седмото издание на манифестацијата го посетија повеќе од 30.000 граѓани за време на трите фестивалски дена. Според првичните проценки се изедени повеќе од 40.000 самуни” објави градоначалникот на Радовиш Герасим Конзулов на својата официјална ФБ страна

Посетителите можеа да вкусат од сите видови на самуни кои беа изложени на околу 17 штанда а паралелно да се сладат и со радовишкиот специјалитет татлија а паралелно да уживаат во музичката програма која сите три вечери изобилуваше со настапи на повеќе музички имиња од домашната и странската поп и фолк сцена

Во склоп на манифестацијата општина Радовиш беше посетени и од официјални делегации од пет збратимени и пријателски општини од Балканот и  тоа: Белишче и Бизовац од Република Хрватска, Ергене и Ташкопру од Република Турција и Велика Плана од Република Србија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.