Радовишката полиција заедно со вработените од ЈП Национални шуми вчера откриле транспорт на бесправно сечени огревни дрва на две локации на планината Плачковица при што се запленети над четири кубни метри огревно дрво. Како што соопштија од СВР Струмица на локациите ,,Еланица” и ,,Градска река” биле затекнати пет лица сите од Радовиш кои со запрежни коли ги превезуваат нелегално сечените дрвја. Колите и околу 4,4 метри кубни огревно дрво се одземени а против лицата по комплетирањето на случајот ќе бидат поднесени пријави
,, Вчера во времето од 6 до 14 часот при коориднирана акција помеѓу полициски службеници од ПС Радовиш и вработнеи воЈП ,,Национални шуми” подружница РАдовиш на две локации, една на место викано ,,Еланица” на планината Плачковица и на место викано ,,Градска река” радовишко биле затекнати пет запрежни возила управувани од С.Ф. (40), Б.А.(30), Б.Б.(52), М.Ф.(40) и С.Б(30) сите од Радовиш кои превезувале вкупно 4,4 метри кубни бесправно исечени огревни дрва. Запрежните возила со дрвата се одземени и пренесени во кругот на ЈП ,,Национални шуми” подружница Радовиш а по документирање на настанот против лицата ќе бидат поднесени соодветни пријави,, соопштија од СВР Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
