Фудбалерите на ФК Василево ја забележаа и третата победа во Општинската лига на Струмица и се закотвија на лидерската позиција. Попладнево на свој терен го „демолираа“ ланскиот вицешампион Интер Кукла од Куклиш со 9:0. Тоа беше меч дерби од третото коло бидејки се судрија екипи без пораз кои по две кола беа на врвот на табелата.
Гостите од Куклиш не успеа да одговорат на налетот на василевчани кои преку Оливер Христов, Драги Глигоров Адријан Николов и Мите Митров ја полнеа мрежата. Домаќините покажаа одлична игра и потврдија дека Василево заслужува да биде во фудбалскиот врв.
Во останатите мечеви ФК Готен Подареш со 8:1 славеше кај Подгор во Колешино додека Банско беше подобар кај Илинден Добрејци со 2:0. Победа забележаа и фудбалерите на Дрвош против Сачево со 3:2. Во Злеово Слога ремизираше со Напредок од Радово 3:3 а ремизира и Спартмани Градско Балдовци со Младост Муртино 2:2.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
