Гевгелиски Кожув ја забележа и 11 тата победа во првенството откако на свој терен славеше над битолски Пелистер со 95:75 (25-19, 15-21, 30-16, 25-19) . Апсолутна доминација на домашниот состав во салата ,,26 ти Април’’ каде заради препораките од Владата немаше публика. Со ова победа гевгеличани остануваат во Топ 6 те екипи кои ќе разигруваат за титулата.
Гевгелиски Кожув уште во првиот период најавија дека Пелистер нема што да бара во 26 ти Април. Но битолчани да фатат чекор за Топ 6 те екипи се заканија во втората четвртина, заради што на полувреме беше 40:40. Рамноправно беше до 25 тата минута по што на сцена настапија домаќините. По одличните асистенции на Караџовски Џенкинс и Пејн беа шутерски расположени заради што предноста пред последните десет минути стаса до плус 14. Во завршницата Пелистер немаше сила за резултатско приближување а Кожув со плус 20 славеше
Пејн со 21, Џенкинс со 20 и Караџовски со 18 поени беа најефикасните кај Кожув кои ќе биде сериозен кандидат за титулата ова сезона. До крајот на овој дел од првенството остануваат уште две кола
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
