Во организација на Здружението за поддршка и помош на лица со Даунов синдром „Вера“ од Струмица на 14 ти идниот месец во Центарот за култура Антон Панов во Струмица ќе се одржи модната ревија ,, Убави сме, свои сме“. Вкупно 23 деца со попречености од повеќе градови од земјава ќе бидат дел од овој традиционален настан на кој ќе продефилираат како манекени во придружба на познати личности. За што ќе биде направена специјална модна писта.
,,Учесниците на ова модна ревија ќе бидат облечени во гардероба на познати модни куќи и бутици и ќе биде пренесена пораката дека секој е убав на свој начин. Со ова сакаме да упатиме порака до сите дека секоја различност има своја убавина,, велат од здружението Вера
На овој настан ќе земат учество и околу 150 деца од основните училишта во општината Струмица, кои треба со своите настапи да ја надополнат убавата приказна што по осми пат ја плете здружението „Вера“ од Струмица.
Засега не се познати кои се јавните личности кои ќе ги придружуваат младите манекени кои ќе носат креации на домашни и странски дизајнери. Вообичаено тоа се естрадни уметници, спортисти, културни работници и политичари. (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
