Убавините и понудата на Дојран ќе се презентира на туристички саем во Белград Србија

117

Туристичките потенцијали на Дојран со сите убавини ќе бидат презентирани на Интернационалниот саем за туризам во Белград – Србија кој ќе се одржи од 21 до 24 февруари. Преку Агенцијата за промоција и подршка на туризмот на РМ, закупени се штандови на овој реномиран саем каде свој изложбен простор ќе има и општина Дојран.  Се планира преку повеќе рекламни матријали  да бидат презентирани угосттелско сместувачките капацитети, традиционалната храна, културно историските локалитети и споменици, но и убавините на Дојранското езеро.

Од таа причина општина Дојран ги повика сите угостители, хотелиери и приватни издавачи на соби и апартмани, доколку сакаат да го претстават својот бизнис на престижниот Саем за туризам во Белград, деновиве да донесат рекламен материјал во општината. Како што не информираше градоначалникот Анго Ангов околу 50 тина угостителски и сместувачки капацитети донеле свој рекламен матријал да се престават на Саемот за туризам во Белград 

Во рамките на саемските денови, општина Дојран ќе има и своја видео презентација на своите потенцијали пред повеќе туристички агенции и посетители. Гостите од Србија се најбројните од странство во последните години кои уживаат во  Дојран. некои остануваат и со денови во македонскиот медитеран кои уживаат во лековитоста на езерото а други по два или три дена. Инаку за последната летна сезона на автопатот Белград Ниш беа поставени билборди со убавините на Дојран како попатна станица за гостите кои транзитираат низ Македонија . Туристичкиот саем во Белград се смета како најголем на Балканот кој го посетуваат огромен бој гости но и преставници од туристички агенции кои ги собираат понудите од туристичките места од регионот

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.