Томи Пандев од Академија Пандев доби УЕФА А лиценца и право да биде тренер на голмани насекаде во светот (видео)

1550

Тренерот на голманите кај Академија Пандев и некогашниот младински репрезентативец и чувар на мрежата на повеќе фудбалски тимови, струмичанецот  Томи Пандев доби УЕФА А лиценца за голмани. Станува збор за највисоката можна лиценца за лицата што работат со голмани со која Томи Пандев ќе може да биде тренер на голманите во било кој фудбалски клуб во светот.

,, Лиценцирањето за УЕФА А сертификатот или диплома за голмани траеше две години. За тоа време постојано бевме на предавања каде имаше теоретски и практични предавања како од домашни ментори така и од УЕФА предавачи. Паралелно имавме и ние свои презентации за нашиот пристап во тренажниот процес како и на кои сегменти да се внимава при професионалната развој на голманите,, кусо ни потврди Томе Пандев кој ги усовршува голманите на Академијата уште од основањето на истата.

Инаку Томи Пандев е менторот на Дејан Илиев кој во моментов е вториот голман на македонската фудбалска репрезентација. Илиев до лани бранеше за младинците на Арсенал и сеуште има договор но е отстапен да брани во словачки Серед.

Во моментов Пандев  во Академијата е тренер на Душан Чубраковиќ кој важи за еден од најквалитетните голмани во домашното првенство. ,Чубра’ на 13 првенствени меча има примено само 4 гола. Освен со Чубраковиќ, Томи Пандев секојдневно работи и со останатите  голмани на Академијата – Давид Денковски Марко Алчевски и Филип Купанов Филип Муканов

Еве дел од неговиот тренажен процес со голманите на Академија Пандев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.