Теа Ангелова ученичка во „Гоце Делчев“ Василево ја доби стипендијата Борис Трајковски за школување во НОВА !

625

Теа Ангелова од Радичево деветоодделенка при ООУ Гоце Делчев од Василево е една добитничките на стипендијата Борис Трајковски – Нова за четиригодишно школување во ова реномирана образовна институција. Во конкуренција на 100 апликанти од целата земја Ангелова, доби целосна стипендија заради нејзините досегашни награди но и заради одличните резултати на тестирањето каде апликантите мораа да полагаат математика, англиски, тимска работа, истражување на одредена тема.

,,Секако не беше лесен процес, бараше внимание и посветеност. Имаше голема конкуренција, околу 100 деца се натпреварувавме. Прво имав десетина дена за да направам триминутен видео-есеј на дадена тема од нив. Истражував доста и се потрудив да го дадам максимумот од себе. Во вториот круг поминавме јас и уште 14 деца. Тој се состоеше од тестирање по математика и англиски како и тимска работа за да се оценат не само академските способности туку и работата со други. Тестовите не ми беа посебно тешки, благодарение на знаењето кое досега го имав стекнато во овие области. Пресреќна сум што ја добив стипендијата бидејќи ми беше голема желба да учам во НОВА и не секој ја има можноста да учи таму,, вели Теа

Нова е престижно средно училиште каде се школуваат ученници кои покажуваат одлични резултати и ги негуваат вредностите за кои се залагаше трагично загинатиот претседател Борис Трајковски.  За Теа школувањето било предизвик бидејки НОВА ги отвара вратите на сите универзитети во светот

,,Нова е приватно училиште, со систем многу поразличен од државниот. Часовите се на англиски, се оди само во една смена, паралелките се мали. Прва и втора година има 6 задолжителни предмети, и два изборни од областа на уметноста. Во трета и четврта се нуди посебна програма во која сите предмети се избираат од страна на ученикот и на крајот се полагаат испити за секој. Дипломата која се добива е меѓународно признаета и ги отвара вратите за универзитети низ целиот свет,, вели полуматурантката Ангелова

Како ученичка при ООУ Гоце Делчев во Василево, Тета Ангелова има освоено голем број награди по математика, биологија, англиски и македонски. Како на регионални така и на државни натпревари како и на олимпијади. Таа е добитничка и на стипендијата од Фондацијата КАНТАРОТ минатата година. Благодарение на неа, таа е поканета како предавач на Третата научна конференција за деца организирана од нивна на проект од астрономијата .

,,Најмногу ме влечат природните науки, особено математиката. Сакам да учам за се околу себе и постојано да ги збогатувам знаењата. Не сум сто посто сигурна што сакам да работам, но дефинитивно сакам да продолжам да го збогатувам своето знаење во математика и да ја искористам во некоја од природните науки. Има уште простор за самооткривање и возбудена сум да видам каде ќе ме однесе школувањето во Нова“, вели Теа Ангелова (В.Трајков / фото ФБ)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.