Сузана Мицева од Канал ВИС наградена од ЗНМ за најдобро новинарско известување за локални и регионални теми

109

Новинарката и уредничка на Канал ВИС од Струмица и дописник на Телма, Сузана Мицева  доби награда од ЗНМ за најдобро новинарско известување за теми од локално и регионално значење за 2018 та. Таа наградата ја доби за случајот ,, Ѓавато’’ односно  раководителот на ова јавно претпријатие во Дојран, каде својата канцеларија  ја беше претворил во амбуланта а вработените изигрувале болничари.

Освен Мицева награди добија и Светлана Дарудова, дописник на МИА за нејзината сторија за недоволната грижа за децата со пречки во развојот во Неготино. Менче Точи доби награда за животно дело додека Суани Сабриоски и Ирена Мулачка за најдобри истражувачки стории.

Годишните награди за најдобри новинарски стории за 2018 година, ЗНМ ги додели по повод 73 годишнината од работењето на ова здружение, во чија пригода, претседателот Младен Чадиковски кажа дека  предизвиците со кои се соочува новинарската фела и на кои треба да се работи и понтаму се дезинформациите во медиумите и подигнувањето на професионалните стандарди во новинарството.

,,Нема поголема чест од онаа укажана од колегите, од фелата! Ви благодарам за оваа огромна среќа! Заслугите ги делам со Кире Пиличев снимател и другар, со кого ги бркаме новинарските предизвици,, напиша Мицева на својот ФБ профил

Потсетување на сторијата на Сузана  Мицева за случајот ,,Ѓавато,, што го работеше со снимателот и монтажер Кире Пиличев како дописнички тандем од Струмица за телевизија Телма

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.