Струмичките ракометари убедливи во Велес – го декласираа Борец со 13 голови разлика

526

Во рамките на третото коло од Првата ракометна лига на Македонија, струмичките ракометари го декласираа Боред во Велес со 13 голови разлика или со 30:17. Момците на Пепи Пецанов уште еднаш демонстрираа високо ниво на дисциплина во играта и борбеност со што стасаа и до втората победа во првенството откако завчера ремизираа со Младост од Богданци.

Екипата на Астраион уште во раната фаза од мечот резултатски се одлепи при што Пецанов даде можност на ,,резервистите“ односно кадетите кои само ја продолжија низата од голови против велешкиот состав кој не успеа во ниту еден момент да парира на струмичани.

Младиот Кире Ѓоргиев повторно блесна на теренот. Постигна 11 голови, 4 запиша Васе Наков а по три гола Митко Ефтимов, Петар Мастев и Тиме Ѓорѓиев. На мечот дебитираа и Бојан Терзиев кој постигна и гол како и Мартин Пеловски кој одигра одлично во одбрана. На голот беше фантастичен Филип Ѓеоргиев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.