Струмичка Беласица почна да ја темпира формата за пролетните мечеви – договори 5 контролки

827

Струмичка Беласица ги започна подготовките за пролетниот дел во Втората фудбалска лига, во кој ќе се обиде да се приближи кон водечката четворка на второлигашката табела. Стратегот на синобелите Благој Гуцев на располагање има 25 фудбалери меѓу кои и неколку засилувања кои деновиве и официјално ќе бидат промовирани.

,,Подготвителниот период ќе се одработи во Струмица а закажени се и 5 пријателски пресметки против екипите на Кожуф, Септември Симитли, Беласица Петрич, Академија Пандев и “генералката” со ФК Брегалница во Штип,, стои во објавата на ФК Беласица

Струмичкиот второлигаш по есенскиот дел од првенството е на 9 тата позиција од вкупно 16 екипи. Со биланс 5 победи, 5 порази и исто толку нерешени резултати на своето конто има 20 бода. Пролетниот дел од второлигашкото првенство го почнуваат на 18 ти февруари кога на свој терен го пречекува Детонит Плачковица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.