Струмичани од Форумот побараа поефтин гасоводен приклучок или субвенции за цената за гас во 2022

321

Намалување на цените за приклучок на гас или субвенционирање на цената за гас за физички и правни лица. Ова е едно од трите приоритетни барања што го испорачаа струмичани од четвртата форумска сесија каде граѓаните можеа да дават предлози и сугестии за креирање на Буџетот за идната година.

Овој проект доби најмногу гласови на форумската сесија и со евентуалното вклучување на истиот во Буџетот за идната година како што беше кажано на форумксата сесија, ќе се потикне приклучувањето на домакинствата и фирмите на гасоводната мрежа кој како еколошки енергенс ќе придонесе и за заштита на животната средина

Како што стои во ЦЕНОВНИКОТ на ЈП Струмица Гас, стандарден приклучок на гасоводната мрежа во Струмица за домакинства со вградување на мерно регулациониот сет се движи од 600 до 868 евра во зависност од капацитет на корисникот односно колкав објект има. Општина Струмица веќе неколку години издвојува субвенции од 100 евра за домакинства кои имат намера да се приклучат на гасоводната мрежа.

На гасоводната мрежа во Струмица како што соопшти директорот Благој Милановиќ досега се приклучени околу 400 физички и правни лица а досега е изграден агасоводна дистрибутивна мрежа од 40 киломeтри

Во рамките на Буџетскиот форум на четвртата буџетска сесија  граѓаните како приоритет за идната година ги предложија и набавка на урбана опрема за деца и млади и деца со попреченост но и уредување на нови зелени површини во основните училишта и поставување на урбана опрема

Градоначалникот Костадинов им се заблагодари на граѓаните за активното учество во Буџетскиот форум, за нивните предлози, идеи, сугестии и нивниот влог во транспарентноста и отчетноста на општина Струмица и вети дека максимално ќе се заложи тие да бидат ставени во општинските програми за реализација од Буџетот на општина Струмица за 2022 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.