Струмичанецот Димитар Пандев сериозно чука на вратите на НБА, стави потпис и ќе игра во силната NCAA колеџ лига во САД

1778

Македонскиот младински кошаркарски репрезентативец, струмичанецот Димитар Пандев кој цели 8 години етапно ја гради својата кошаркарска кариера надвор од земјава, стави потпис за најдобрата колеџ екипа во NCAA (D1) лигата и тоа за тимот на IUPUI JAGUARS од Индијана САД кој преставува расадник на НБА играчи. Еден од нив е и играчот на Милвоки-Џорџ Хил.

,,Најпрво, сакам да му се заблагодарам на Бога што ме одржуваше здраво и ми дозволи да ја играм играта што ја сакам. Исто така, сакам да им се заблагодарам на моето семејство, пријатели и соиграчи што ми помогнаа во овој процес. Сакав да им дадам посебна благодарност на моите тренери Ефтим, Роб и Исак за тоа што секогаш веруваа во мене и ме мотивираа да дојдам на следното ниво. Со сето ова што би рекле, би сакал да најавам дека ќе продолжам со образованието и кошарката во IUPUI JAGUARS. Ова ми е чекор до НБА и со добри игри да се пријавам за НБА дравтот но и да бидам дел од макдеонската сениорска репрезентација ,, изјави за Дрнка.МК – Димитар Пандев

Пандев уште на 15 годишна возраст заминува од првата кошаркарска паралелка во земјава во Луксембург каде останува две години. Таму настапува за LBA академија со која стасува до полуфиналето на Европската Јуниор лига. Од Луксембург заминува во Исернија Италија каде настапува една сезона во  тамошните младинските лиги.

На 19 годишна возраст струмичанецот којигра на центарската позиција и со одличен шут за тројки, заминува во САД во TSF академијата во Атланта каде и струмичанецот Ефтим Богоев. Таму под закрила на Академијата се натпреварува на повеќе турнири по што ја отвора вратата JUCO колеџ лигата. Сезоната 2018-2019 игра за Salt Lake City додека последната сезона за Clarendon College од Тексас со која стасува до завршниот турнир на лигата која се преника заради коронавирусот

Се до заминувањето во Индијана, Димитар Пандев висок 2 метри и 10 см и понатаму тренира со TSF Академијата со Ефтим Богоев и Роб Џонсон. Инаку Пандев потекнува со спортското семејство Пандеви од Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.