Струмичанецот Димитар Пандев потпиша за македонскиот кошаркарски шампион МЗТ Скопје

273

24 годишниот Димитар Пандев од Струмица кој беше во САД и настапуваше во НЦАА лигата за повеке универзитети стави потпис за актуелниот македонски шампион МЗТ Скопје.  За Пандев кој е висок 208 см  ова е прв клуб во Македонија во сениорска конкуренција со оглед што поголемиот дел од досегашната кариера ја мина во странство.

,,Ова ќе биде прв настап на одличниот крилен центар за клуб од Македонија на сениорско ниво, со оглед што поголемиот дел од досегашната кариера ја мина во странство, најмногу во САД. Пандев четири години беше дел од НЦАА-лигата каде што го носеше дресот на универзитетите Солт Лејк, Кларендон и за Универзитет Индијана-Пердју универзитет Индијана (УИПУИ). Со својата висина и корпулентност ќе донесе цврстина во центарската линија на МЗТ Скопје во претстојната сезона, во која освен атакот на двојната домашна круна, по четири годишно отсуство нѐ очекува и настап во АБА-лигата,, објавија од КК МЗТ Скопје

Димитар Пандев е најновото име во таборот на македонската кошаркарска репрезентација. Тој се најде на списокот репрезентативци за стартот од претквалификациите за ЕП 2025.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.