Струмица Жени славеше над Јанта и најави борба за врвот во женската одбојка годинава

639

Одбојкарките на Струмица Жени славеа над Јанта Волеј со 3:2 во сетови и најавија дека оваа сезона ќе бидат еден од конкурентите за висок пласман. Малку недостасуваше да го освојат целиот плен од мечот, но во четвртиот сет српската интернационалка Душка Здјелар која ја стопи предноста од 7 поени на Јанта, не успеа да се избори за борба за победа од 3:1 во сетови.

Мечот го ,,отворија“ гостинките кои во финишот од првиот сет резулатски се одлепија и со 25:21 поведоа со 1:0. Но потоа следуваше доминација на струмичанки. Фуриозно возвратија во вториот сет со 25:14 а со исто темпо продолжија и во третиот сет со 25:19,  за водство од 2:1 во сетови

Откако поведоа со 2:1, избраничките на Гоце Кончалиев во четвртиот сет влегоа со многу грешки што ги искористи Јанта која во финишот имаше предност од 24:17. Засилувањето Здјелар успеа на свој сервис да дојде до 24:23 но згреши за израмнување 2:2 во сетови.

Петиот одлучувачки сет повторно доминација на Струмица жени кои со 15:7 го добија и му го нанесоа првиот пораз на Јанта. Седното коло во сабота ја пречекуваат екипата на Вардар жени.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.