Струмица Жени го доби првото локално одбојкарско дерби против Виктори Волеј, Македонија Макс славеше против Ускана

1546

Стартуваше македонскиот одбојкарски шампионат во женска конкуренција во кој Струмица партиципира со четири екипи. Ждрепката посака уште во првото коло да се сретнат два струмички тима и тоа новајлијата Струмица Жени и Виктори Волеј. Овие два тима се сретнаа во салата Парк каде Струмица Жени славеше со 3:2 во сетови во натпревар во кој двете екипи постојано се надмудруваа во желбата за победа која беше поголема кај дебитантот.

Виктори Волеј поведе со 1:0 (19:25), но веднаш возврати Струмица Жени (25:17). Во третиот сет доминација на Мартина Владевска и Елена Пандева кај домаќинките кои имаа одлични сервиси (25:09) но Виктори преку Илков и Василева не дозволија лесна победа (18;25) па се играше и петти сет каде Струмица Жени ги искористи максимално грешките на гостинките и го доби со 15:12 за конечни 3:2 за прва првенствена победа

Во салата на ООУ Видое Подгорец, Македонија Макс по одличните почетни два сета дозволи Ускана да намали 2:1. Но во продолжението без поголеми проблеми дојдоа до победата од 3:1 во сетови ( 25:19, 25:16, 21:25, 25:10) за почетните три бода во првенството.

Четвртиот струмички преставник во Првата лига Наковски Волеј игра утре нагости кај Јанта во Скопје

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.