Струмица викендов во Штип во „трка“ за две одбојкарски КУП титули – по мажите, фаворити и жените !

423

Од четврток до недела во спортската сала „Јордан Мијалков“ во Штип ќе се одигра завршницата од Одобјкарскиот КУП на Македонија во машка и женска конкуренција. Познати се полуфиналните двојки во обете конкуренции во кои ќе настапат и екипите на Струмица 47&7, Струмица жени и Наковски волеј.  Судејки по досегашниот учинок на струмичките екипи во лигашкиот дел од годинашнава сезона, можно е Струмица како одбојкарски град ова сезона да се закити со две КУП титули.

Кај мажите дефинитивно фаворити се избраниците на Кире Ричлиев. Тие со години се на тронот во мак одбојката и засега немаат сериозен канидат да ги симне. Тие во четврток во полуфиналето играат со Лирија. Во вториот полуфинален меч играат Работнички со Штип УГД. Со оглед дека одбојкарите на Струмица 47&72 не знаат за пораз по 19 првенствени натпревари, дефинитивно се сметаат за апсолутни фавороти за КУП титулата.

Интересно ќе биде во женска конкуренција. Таму Струмица ќе има два преставника и тоа со Струмица жени и Наковски волеј. Полуфиналните мечеви кај дамите се играат во петок. Лидерот во првенството Струмица Жени ќе игра со Работнички од Скопје а во второто полуфинале  Наковски волеј со Јанта волеј од Скопје. Струмица жени кој има само еден пораз во досегашниот тек од првенството е фаворит но тоа треба да го покаже и на терен. Наковски волеј има потенцијал да го изненади на Јанта но ќе треба максимална борба против Јанта со која се соочија во финалето.

Одбојкарски куп на Македонија (сезона 2023-24), сала „Јордан Мијалков“ – Штип

Полуфинале (мажи) – четврток 21.03.2024

17.00 Работнички 71&22 – Штип УГД

20.00 Лирија – Струмица 47&72

Полуфинале (жени) – петок 22.03.2024

17.00 Струмица жени – Работнички Скопје

20.00 Наковски волеј – Јанта волеј

Финале – недела 24.03.2024

12.00 Финале (жени) – пренос МТВ-3

15.00 Финале (мажи) – пренос МТВ-3

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.