Младинците на Брера Струмица без пораз го завршија првенството и го кренаа шампионскиот пехар. Апсолутна доминација на домашен но и на гостински терен. Во конкуренција на 16 екипи младите струмичани беа најдобри.
Во првенството прокнижаа дури 29 победи а смо еднаш ремизираа. Постигнаа фантастични 164 гола а примија само 16. Тое е епилогот на младите на Брера Струмица кои пред вотропласираниот Вардар имаат дури 18 бодови разлика.
„Академија Пандев Брера секоја сезона е во врвот на младинскиот мак фудбал. Ланската сезона вицешампиони и освојувачи на Купот а оваа ШАМПИОНИ и против Шкупи ќе играме за двојната круна. Дури 8 играчи имаме во У 19 репрезентацијата. Во сениорскиот состав постојано промовираме наш потенцијал. Титулата е резултат на работа, посветеност и упорност. Клубот има голема иднина и се надеваме дека овие играчи ќе тргнат по стапките на Јани Атанасов, Мартин Ѓоргиевски, Дориев, Трапановски, браќата Џекови “ кажа стратегот Ѓорѓи Стојчев
Иван Шириќ е најефикасен во таборот на Брера Струмица. Постигна дури 41 гол оваа сезона. Зад него се Иван Танчев, Матеј Сејменов, Габриел Талески, Глигор Бучков, Мартин Ѓоргиев, Бојан Велков.
Со освоената Шампионска титула, младинците на Брера Струмица имаат право на настап во младинската Лига на шампиониј и ја очекуваат ждрепката за поволен противник во квалификациите. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
