Екипите на Огражден од Ново Село и Интер Кукла од Куклиш во меѓусебна пресметка ќе одлучуваат за титулата ШАМПИОН на лигата на ОФС Струмица чија завеса ќе се спушти наредниот викенд. Првакот на општинската лига на Струмица ќе се дознае во Ново Село каде овие два тима ќе поделат мегдан како најдобри.
Двете екипи денеска славеа победи. Огражден Ново Село кај Дрвош со 3:0 додека екипата на Интер Кукла дома против Единство од Пиперево со 6:2. Двата тима се на водечките две позиции со 2 бода разлика така што меѓусебната пресметка на 31 мај ќе го даде одговорот кој ќе биде првак.
Во останатите мечеви Спартмани од Градско Балдовци одигра нерешено 2:2 со Илинден од Добрејци додека Напредок од Радово направи изненадување славејки над Слога од Злеово со 2:0.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
