Средношколците од „Димитар Влахов“ Струмица со четири злата на Државниот тракторски натпревар во Кавадарци (ФОТО)

5299
Христијан Ѓоргиев и Стоја Георгиева најдобри трактористи Фердане Мустафова и Зорица Стојкова најдобри во аранжирање цвеќе

Денеска во Кавадарци се одржа државниот тракторски натпревар за средношколци, каде што домаќин, по 51. пат, беше Земјоделско-шумарското училиште „Ѓорче Петров“. Натпреварувачите своето знаење го покажаа во 6 дисциплини – вешто возење и управување со трактор со категории машки и женски, препознавање на семиња и плевели, коски и органи кај домашни животни, калемење на овошки, аранжирање на цветни аранжмани и органско земјоделско производство.

Средношколците од Димитар Влахов од Струмица повторно се покажаа како најдобри во сите дисциплини. Во дисциплината вешто возење најдобри беа Христијан Ѓоргиев и Стоја Георгиева под менторство на професорот Ванчо Танев додека Фердене Мустафова и Зорица Стојкова се закитија со злато во категоријата Аранжирање на цвеќе под менторатво на Роза Делева

Во категоријата Органско производство под менторство на Мими Дончева Сара Здравевска и Ана Јанчева беа во врвот како и Кире Штрклев во дисциплината Калемење под менторство на Васко Стојков. Во категоријата Препознавање на коски и органи под менторство на Дејан Галабовски ученичката Габриела Митева освои петто место а во дисциплината  Препознавање на плевели и семиња под менторство на Љубица Тошева ученици покажаа солидни резултати.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.