Сообраќајка на патот Гевгелија – Богданци, учествувале четири возила а едно лице го загуби животот соопшти полицијата

9424

Вечерва на патниот правец Гевгелија-Богданци се случила сообраќајка во која едно лице го загуби животот. Веста ја потврдија од струмичката полиција од каде соопштија дека во сообраќајката учествувале четири возила но повеќе детали најавија за утре.

,,На 19.01.2024 година во Полициската станица Гевгелија е пријавено дека на регионален пат Гевгелија Богданци се случила сообраќајна несреќа во која учествувале 4 патнички возила, од кои две марка “мерцедес”, едно марка “опел корса” и едно марка “хјундаи”. Во несреќата на местото починал возач на едно од возилата. Увид на местото врши Јавен обвинител и екипа на Полициската станица Гевгелија,, не информираше Александра Трајанова портпарол на СВР Струмица

За сообраќајката информираше и РЦУК Струмица. Од таму соопштија дека во 19:45 чаcсот на патниот правец Гевгелија-Богданци се случила тешка сообраќајна несреќа. Патот е затворен, а сообраќајот се пренасочува преку с.Богородица.

ТППЕ Гевгелија е излезена со 1 пп возило и 3 пожарникари, како и екипа на ПС Гевгелија кои вршат увид на местото на настанот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.