Деновиве почна реконструкцијата на постоечките но и изградба на нови патеки до Колешинскиот водопад а потоа ќе се пристапи и на Мокринските извори – локалитети на кои ќе биде поставена и нова урбана опрема вклучувајки летниковци, излетнички маси, платформи. Станува збор за проект кој го имплементира Центарот за развој на Југоисточниот плански регион со средства обезбедени од Бирото за регионален развој и Општина Ново Село во висина од 63 илјади евра а го работи Мајстор Компани од Босилово кој го доби тендерот.
,,На Колешинскиот водопад ќе се поплочуваат делници од патеката со природен матријал а ќе поправи постоечката и ќе се изведува и нова ограда. Согласно проектот ќе има реконструкција на четирите летниковци а ќе се постават нови три излетнички маси. Она што ќе биде интересно е што ќе има и нова дрвена платформа пред водопадот. Паралелно ќе се постават и нови 15 корпи за отпадоци кои ќе нудат можност и за селекција на истиот,, вели градоначалникот на Ново Село Ѓорѓе Божинов кој подвлече дека е планиран и паркинг конструкција за велосипеди
На Мокринските извори се планира изградба на нова пристапна патека од камен до платото до изворите, поставување на нови два дрвени летниковци со три прегради за рециклирање на отпад и еден летниковец за пристап со инвалидска количка. На локалитетот се планира да се изгради и традиционална фурна од камен а ќе бидат поставени 15 корпи за отпадоци, информативни табли но и паркинг за возила и велосипеди.
,, Овој проект ќе ги подобри бројките на туристите што ќе не посетат ова година и во иднина. За нас приоритет е локалниот економски развој преку руралнито туризам. Има интерес за подигање на сместувачки капацитети за што се во тек е постапката урбанизација на две викенд населби во Мокрино и Смоларе бидејки на овој потег нема доволно сместувачки капацитети,, кажа Божинов
Годишно водопадите на Беласица но останатите природни убавини ги посетуваат повеќе илјадници гости од земјава и странство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
