На синоќешната седница Владата донесе одлука со која со која се забранува собирање во група на повеќе од пет лица, во паркови и на други јавни места и јавни површини а ги задолжи МВР и АРМ да ги разбиваат овие групи и да ги интензивираат теренските контроли. Ова е само една од одлуките препораките и заклучоците од сетот мерки што Владата ги превзеде за спречување на внесување и ширење на Коронавирус COVID-19 во земјава.
Меѓудругото сите маркети, аптеки, банки и објекти кои даваат поштенски услуги, задолжително да обезбедат редарска служба при влез и во внатрешноста во овие објекти, со цел да се контролира влезот и бројот на лица во истите, така што ќе се обезбеди минимум потребното растојание од два метри помеѓу лицата пред и во објектите, соопшти Владата
На синоќешната седница усвоена е и Одлука за определување на највисоките цени на одделни производи во трговијата на големо и трговијата на мало на: леб, сол, шеќер, зејтин, млеко и млечни производи, јајца, брашно, месо, тестенини, лекови, лична заштитна опрема, средства за лична хигиена и дезинфекциони средства. Највисоките цени на овие производи се утврдуваат на нивото на цените на истите кои се применувале на 11 март 2020 година, кога од страна на Светската Здравствена Организација е прогласена пандемија на Коронавирусот COVID-19 и ќе се применуваат до 30 април 2020 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
