Се градат тротоари на патот што води кон Добрашинци во Општина Василево

379

„Започна изградбата на тротоари на патот кој води кон центарот на Добрашинци. Со ова се решава децениско барање на граѓаните од овој дел на општината, а воедно се олеснува функционирањето и движењето на граѓаните, кои секојдневно транзитираат на овој потег“, напиша на својот ФБ профил, градоначалникот на општина Василево Славе Андонов по извршениот увид во изградбата на тротоарите.

Тротоарите се градат покрај двете страни од асфалтната лента, со што се обезбедува максимална безбедност за сите учесници во сообраќајот а посебно за пешаџите.

Овој локален пат кој се простира од од крстосницата со патот кон браната Турија до центарот на с. Добрашинци и кој го користат не само жителите на Добрашќинци, туку и на соседните Висока Маала, Нова Маала и Чанаклија  беше асфалтиран пред околу еден месец а со тековните активности неговата изградба целосно се комплетира.

Буџетот  за негова реализцаија е околу 16 000 000 денари, средства обезбедени преку Министерството за транспорт и врски како грант од Светска банка во рамки на Проектот за поврзување на локални патишта.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.