Секој менаџер треба да се едуцира, надградува, да го открие својот и потенцијалот на тимот, вели Тони Костов пред работилницата во Струмица

1565

„Откријте го Вашиот потенцијал“ е темата на работилницата која под покровителство на River Soft ќе се одржи на 7-ми мај во Струмица.Работилницата ќе започне во 17 часот во Малата сала при Културниот дом во Струмица, а ќе трае до 21 часот.Тренер на истата ќе биде Александар Кочовски, консултант и тренер за личен и организациски развој, кој има соработувано со преку 40 компании од Македонија.

Дрнка.МК – Потребни ли се вакви едукации и зошто?

Тони Костов – Како бизнисмен, менаџер и сопственик на компанија, исклучително сметам и тврдам дека секој бизнисмен, менаџер или сопственик треба во континуитет да работи на својот личен развој и едукација, бидејки успехот на овој профил на луѓе лежи единствено во самоспознавањето и во личната едукативна надградба. Знам често да кажам: “ Успешен е оној кој ќе се прилагоди и ќе ги прифати модерните принципи на водење бизнис и ќе ги имплементира во својата компанија”,  се останато е само класична импровизација на водење бизнис. ЗОШТО? Менталниот склоп на нашата компанија е да покрене иницијатива во делокругот на нашите партнери и соработници да осознаат колку е важно да направат лична надградба , да го откријат својот скриен потенцијал, да ги отворат своите видици кон новите бизнис навики. Идејата е да го отвориме претприемачкиот дух кај секоја индивидуа , да ја кренеме свеста за водење бизнис на повисоко ниво, да заеднички сватиме дека партнерскиот однос кон своите бизнис партнери и кон своите вработени е клучот на успехот на ставање здрави темели на сопствениот бизнис, и водени од овие причини донесовме одлука несебично да го организираме овој настан и во целост да ги покриеме трошоците за овој настан и на секој претприемач во нашата околина да му овозможиме четири часовна интерактивна работилница и да се обидеме заеднички да се кренеме уште едно скалило понагоре во делокругот на водење бизнис.

Дрнка.МК- Која беше причината да бидете покровител на Работилницата Октријте го Вашиот скриен потенцијал?

Причината за да бидеме организатори и покровители на овој настан е токму бизнис заедницата за која во моментот чуствуваме дека е моментот да премине на сопствен личен и едукациски развој, свативме дека преку призмата на водење бизнис во нашето општество постојат многу квази- бизнисмени кои всушност го нарушуваат угледот на делот сопственици кои сакаат да се водат рамо до рамо со сите предизвици кои ги носи бизнисот, заеднички да сватиме која е насушната потреба од квалитетни бизнисмени, која е насушната потреба од квалитетен тим на вработени, како да го откријат потенцијалот кај себе и кај своите вработени, како да почнат да го вреднуваат и квалификуваат работникот, како да се одделат од предрасудите дека Лидер е човек кој ги угнетува вработените и своите партнери, напротив ова не предизвика да застанеме на црвената линија и да кажеме сега е моментот да донесеме мотивациски говорник и тренер за личен развој и да придонесеме да го смениме правецот во кој се движиме без кормирал, решивме да ставиме кормило и кормилар на бродот кој плови а се вика креирање и водење Бизнис, поради ова несебично правиме огромен настана за нашиот град и нашиот бизнис сектор кој ќе се одржи на 7-ми Мај 2019 година во мала сaла на Домот на Културата – Струмица со почеток во 17:00ч, додека нашата компанија организира и уште две затворени работилници на ден 08.05.2019година за нашите вработени на тема за откривање на нивниот потенцијал и мотивирање на истите во процесот на своите работни обврски, бидејки свативме дека најголемиот клуч на успехот не сме ние сопствениците бидејки помеѓу нашиот тим на вработени има квалитетни луѓе на кои ако им се даде можност и им се отвори позиција тие знаат да бидат идеално креативни и мотивирани и да бидат дел од кормиларот на бродот кој се нарекува бизнис а така е зошто тој креира нови работни места и повисоки плати како за менаџерскиот тим така и за секој поединец вработен во било која компанија

Дрнка.МК – Кои се Вашите очекувања од ова работилница ?

Очекувањата и желбата ни се огромни, но истовремено сме свесни дека со една работилница нема да успееме да го смениме начинот на размислување на денешниот Македонски бизнисмен, туку ќе направиме цврсто придвижување нанапред и се надевам ќе успееме да ги извадиме од старите стериотипи на водење и креирање бизнис, ова лично го сметам бидејќи ние сме еклатантен пример каде направивме компанија од нула до бизнис и затоа сум цврсто убеден дека секој кој е вреден и работи вредно и се надградува самиот себеси и својот тим околу себе, тогаш е неизбежен успехот. Желбата ни е огромна а тоа значи да заеднички кажеме стоп на квази бизнисмените кои го угнетуваат партнерскиот бизнис и ги влечат и успешните компании надолу. Очекувам дека бројката која е пријавена за учество на овој едукативен настан е само еден нов подвиг за Струмичката бизнис заедница, дека е дојдено времето кога доаѓаат деновите на отворените и транспарентните бизнисмени на оние кои се спремни на промени во сопствениот бизнис на оние кои сватиле колку значење има вработениот во нивната компанија. Затоа бројката на пријавени која се движи околу 80-тина е само јака мотивација за нас да направиме едукативен настан за паметење, настан на кој ќе го вклучиме најдобриот мотивациски светски говорник кој ќе има свое обраќање до сите присутни преку линковска врска и ќе биде изненадување неговото име до самиот настан се со цел да ги ставиме во неизвесност сите оние кои ќе присуствуваат и сите оние кои не се пријавиле а сеуште имаат можност да се пријават на следниот линк:   Знам и верувам дека нашиот тим на вработени со нивната техничка подршка на нашите два бренда River Soft и River Sound со опремата која ја поседуваме ќе го збогатат и направат настанот за кој потоа ќе се разговара во многу компании и ќе ги предизвикаме да и тие ангажираат во своите компании надворешен консултант и соработник како што нашата компанија му ја даде довербата на нашиот личен тренер и мотиватор Александар Кочовски да во иднина работи со нас и нашиот персонал на нашата лична надградба и мотивација.П.С. Ајде да се едуцираме, мотивираме и надградуваме и да направиме подобри услови за нас и нашите вработени.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.