Расте бројот на хоспитализирани од ковид-19 во Гевгелија, повторно ќе се отвора модуларната болница

953

Ковид состојбата во Гевгелија драстично е влошена, констатираа членовите на општинскиот кризен штаб откако рапидно се зголеми бројот на хоспитализирани лица во ковид центарот но и пациентите кои се на дневна болница во ова општина. Од таа причина како што кажа директорот на болницата во Гевгелија Митко Крџев, во моментов се размислува за организација на медицинскиот пероснал за повторно отворање на модуларната болница која беше затворена во мај минатата година. Во моментов во ковид центарот сместен на нервно – психијатриското одделение хоспитализирани се16 пациенти иако капацитетот е 12 легла.

,, Имаме зголемен прилив на пациенти како на дневна болница така и во ковид центарот. Ако пред некој ден имавме шест хоспитализирани и петнаесетина пациенти  на дневна терапаија сега бројките се поголеми. Ковид центарот е преполн и затоа сме во фаза на отворање на модуларната болница каде што дополнително ќе се сместуваат пациенти кои се со потешка клиничка слика,, изјави Димитар Крџев директор на гевгелиската болница

Во ова општина во моментов како официјална бројка се водат околу 300 активни случаи со коронавирус. Лекарите тврдат дека бројката е трипати поголема имајки во предвид на домашно тестирање и чекање на поизразени сиптоми па тогаш да се пријават во болница.  Гевгелискиот кризен штаб апелираше до сите правни субјекти, посебно угостителсктие објекти, маркетите, превозниците доследно да ги применуваат заштитните мерки додека инспекторите да вршат поголемни контроли.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.