Проширување на уличното во Богданци, Стојаково, Селемли и Ѓавато со нови столбови и сијалични места

2048

Деновиве отпочна проширувањето на мрежата за улично осветлување во општина Богданци, откако по распишаниот оглас за јавна набавка, тендерот го доби струмичката фирма Дигитал која достави најниска цена во конкуренција на три правни субјекти кои се јавиле на огласот за јавна набавка. Станува збор за изградба на нови линии за улично осветлување согласно Програмата за улично осветлување на подрачјето на општина Богданци за 2020 година

Како што објави општината на својата официјална веб страна, на одредени места  ќе бидат поставени само улични светилки на веќе постоечки бандери а на локациите каде недостасуваат  ќе бидат поставени комплет бандери со улични светилки. Ќе се постават вкупно 32 нови сијалици и 15 нови бандери како во Богданци така и во Стојаково, Селемли и Ѓавото.

,,Проширувањето  на  мрежата за јавно  осветлување  значително ќе ја подобри осветленоста на локалните улици и патишта и ќе придонесе за поголема безбедност на сите учесници во сообраќајот ’’ информираа од општината

Договорот треба да биде реализиран во рок од еден месец а целиот тежи околу 10 илјади евра кои општина Богданци ги обезбеди од сопствениот Буџет за ова година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.