Просечна плата: Македонскиот работник на балканското дно

101

За една деценија просечната плата во земјава пораснала за 72%, но македонскиот работник останува меѓу најмалку платените во регионот. За сериозен раст на платите е потребен раст на економијата и на продуктивноста.

Во последните неколку години платите за прв пат имаат посериозна тенденција на раст, но тоа е резултат пред се на административни мерки – зголемениот минималец и покачувањата во јавниот сектор.

Во последните десет години просечната плата во Македонија пораснала за околу 72%.

Просечната плата во септември 2013-та била 21.060 денари, во септември 2016-та 22.191, во 2018-та 24.355, во септември 2021-та 28.869 денари и во септември 2023-та 37.876 денари.

И покрај континуираниот раст Македонија останува закотвена речиси на дното во Европа според висината на просечната плата, со нето приход од 37.876 денари односно 615 евра.

Подобро од нас заработуваат работниците во Србија, во просек 735 евра месечно, во Босна и Херцеговина земаат исто колку нас 645 евра, во Црна Гора 800, во Хрватска 1.156 и во Словенија 1.442 евра месечно.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.