Промовирана ,,Наша тезга’’ каде може да се купат производи и преработки од жени од рурални средини (видео)

1777

Рурална Коалиција го лансираше и презентираше првиот женски рурален е-пазар „НАША ТЕЗГА каде заинтересираните може да набават или купат дел од производите или рачните творби што ги изработуваат жените од Македонија. Станува збор за платформа каде стотина жени од повеќе рурални средини имаат свои понуди од градинарски прозиводи, овошје, мешункасти и јаткасти плодови, пчеларски преработки и домашни продукти на залиха или пак ги произведуваат.

Онлајн ПОНУДАТА ,,Наша тезга’’ проиЗлезе бидејки  околу 84 проценти од жените во руралните средини за време на пандемијата на коронавирусот се соочиле со намалување на нивните економски приходи од земјоделие, а нивните производи и понатаму остануваат непродадени. Речиси 54 отсто од овие жени немаат пристап до информации за можностите и финансиската поддршка што им се нуди, покажуваат податоците на Рурална Коалиција.

„Животните приказни на нашите жени од руралните средини, традицијата на нашето домашно производство, палета од локални здрави земјоделски производи и преработки коишто треба да ја полнат трпезата на секој од нас, достапни на виртуелните тезги на првиот женски рурален е-пазар којшто е изграден врз основа на меѓусекторски партнерства што пак значи дека ваквиот пазар е граден низ заедничка соработка на бизнис заедницата, дарителската заедница, индивидуалните граѓани и институциите,, вели Лилјана Јоноски од Рурална Коалиција која подвлече дека сите жени од руралните средини кои имаат свои производи, продукти или рачни творби може да ги понудат на платформата каде жените се поделени од региони во интерес на потенцијалните купувачи

Поради својата инклузивност е-пазарот „Наша тезга“, важи и за еден од успешните примери и во регионот на Западен Балкан. Освен продажба на храна, на онлајн пазарот ќе може да се прочитаат и животните приказни на жените и за традицијата на земјоделското производство. Ова е првата платформа којашто директно придонесува за унапредување на социјално-економската положба на жените од руралните средини

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.