Промовирана дигитална платформа за еднакви пазарни можности на малите и средни претпријатија

333

Четири македонски компании, годинава, учествуваа на седмиот BALKAN ECOMMERCE SUMMIT кој деновиве се одржа во Софија, Бугарија. Два дена, во организација на eCommerce Academy, компании и институции од 10 земји од Балканот и пошироко ги претставија своите активности.

На саемот се презентираше и регионалната групација СЕБ Глобал, претставувана од Македонците Александар Ѓорѓиевски, магистер по меѓународна економија, долгогодишен ревизор и Претседател на бордот на оваа групација и Тони Тамбурковски како корпоративен менаџер на Платформата. Станува збор за Платформа во која учествуваат компании од Бугарија, Србија, Албанија и Северна Македонија, со можност за проширување во други европски земји.

„Платформата има цел да го помогне работењето на малите и средни претпријатија, односно колку што е можно да ја изедначи нивната пазарна положба со големите и моќни корпорации. Оваа цел, а воедно и главна мисија, доаѓа од глобалните настојувања за овозможување на т.н. „еднакви пазарни можности“. Тие особено се поддржани во рамки на ЕУ, која донесе неколку Регулативи во функција на поддршка на малите и средни претпријатија, кои најчесто се над 90% од деловните ентитети во речиси секоја држава. Сметавме дека сите теоретски и законски настојувања можат да станат реалност, токму преку процесот на дигитализација и автоматизација“, вели Ѓорѓиевски.

Поради иновативноста на услугите на оваа дигитална платформа, начинот на флексибилно носење одлуки за воспоставување и развој на целокупниот бизнис процес, без разлика на големината на учеството во сопственичката структура, групацијата СЕБ Глобал предизвика голем интерес кај посетителите на настанот. Под мотото „services for equal  businesses“ или „услуги за еднакви бизиси“ се креираше и името на компанијата СЕБ Глобал Груп.

„Главната услуга на која се базира иновативноста на платформата е дигитална пресметка на „трговската репутација“ (GOODWILL) на претпријатијата, а со тоа и одредена апроксимативна процена на нивната реална вредност на пазарот. Визијата е да се овозможи малите и средни претпријатија да ја определат ваквата вредност за одредена симболична цена на оваа услуга, која како месечна претплата ќе понуди поголем пакет деловни услуги, бизнис мрежа и соодветна едукација. Употребната вредност на определеното пазарно позиционирање на претпријатијата, впрочем е нашата долгорочна стратегија на делување, односно развој во финтех сферата на балканските простори и пошироко“, додава Ѓорѓиевски.

BALKAN ECOMMERCE SUMMIT е најголема манифестација на Балканот каде се промовираат последните достигнувања и затоа, СЕБ го обзнани својот прв производ Платформа за еднакви бизнис услуги seb4you.com на овој настан. „Почнавме со работа во Бугарија и Србија, додека стартот во Македонија и Албанија ќе биде во наредниот период. Ќе продолжиме со ширење преку франшизинг застапништво во Германија, Австрија и Швајцарија. Затоа што наша долгорочна цел е да се шири мрежата и активно да се користат услугите на Платформата“, додава Тамбурковски.

Компанијата ќе го насочи својот развој кон пренесување на сите најнови искуства и дигитални можности за подобро деловно работење на малите и средни претпријатија. Поточно, со креирање и создавање моќни финтех алатки кои ќе го олеснат работењето на МСП, ќе го поддржува развојот на економско-финансиските текови и начинот на работа на државно ниво, односно ќе овозможи поголем и побрз проток на финансиски средства и инвестиции во тековното деловно работење, што секако ќе има влијание врз иновациските и развојни процеси. Меѓу првите настојувања на СЕБ Глобал Груп е во релативно кус рок да овозможи дигитално групно финансирање (CROWD FUNDING, CROWD INVESTING и CROWD SOURCING).

(комерцијална објава)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.