Приведен разбојникот кој со ловечка пушка ограби казино во Гевгелија

112

40 годишен гевгеличанец е приведен откако изминативе месеци извршил повеќе тешки гражби а во јануари со ловечка пушка ограбил казино во Гевгелија маскиран со качулка на главата. Против него се поднесени повеќе кривични пријави а Основното јавно обвинителство Велес донесе наредба за спроведување истражна постапка против него поради недозволено изработување, држење, посредување и тргување со оружје или распрскувачки материи. Станува збор за лицето Т.К. од Гевгелија добро познат на органите на прогонот заради неговото дебело досие со кривични дела

„Осомничениот во временскиот период од 12.10.2018 до 22.2.2019 година неовластено држел преправено огнено оружје кое на граѓаните им е забрането, и тоа ловечка пушка „збројовка брно“ во калибар 16 мм и 8 ловечки куршуми во калибар 16 мм. На пушката претходно ѝ биле извршени механички интервенции со кои ѝ се скратени цевките и кундакот. Со ова оружје осомничениот на 9 јануари околу 2.40 часот отишол во казино во Гевгелија, каде што, кога влегол преку споредниот влез маскиран со качулка на главата, го вперил оружјето кон касиерот. Притоа осомничениот од фиоката што се наоѓала на работното биро и од касата ги одзел парите во вкупен износ од 150.000,00 денари во разни апоени, ги ставил во најлонска кеса и преку споредниот влез излегол од казиното и заминал“ наведува ОЈО на чиј предлог гевгелискиот суд му изрече мерка притвор од 30 дена.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.