Преку Центарот за развој на Југоистокот, општина Конче тампонираше полски патишта за полесен пристап до нивите

1171

Изминатиов период во Општина Конче се тампонираа полски патишта во атарот на село Дедино со песок и чакал за подобар пристап на земјоделците до своите обработливи површини засеани со разновидни култури. Станува збор за проект што општина Конче го реализираше преку Центарот за развој на Југоисточниот плански регион во функција на подобрување на условите во руралните подрачја.

Како што информираа од општина Конче се тампонираа два полски пата кај Дедино. Едниот е со должина од 400 метри и ширина од 2,5 метри додека другиот е во должина од 500 метри со истата ширина.Станува збор за патишта кои беа детектирани од самите жители на општината како тешко проодни и побараа нивна санација за полесен пристап до нивите

Општина Конче во соработка со Центарот за развој на Југоисточниот плански регион обезбеди средства за таа намена и критичните места од полските патишта во атарот на Дедино ги посипи со песок и чакал. Информираат дека и во иднина ќе се работи на ова поле се со цел да се обезбедат пристојни услови за извршување на земјоделските работи од страна на жителите од населните места на општина Конче

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.