По поразот дома пандевци ремизираа со Борец во Велес, стратегот Стојчев ја превзеде одговорноста за лошите резултати

285

Академија Пандев по поразот од Скопје на свој терен не успеа да забележи победа  против Борец во Велес. Одигра 1:1 со што на своето конто прокнижа само бод од планираните три со оглед дека велеѓани со една нога се во Втора лига. Виктор Ангелов го донесе водството на струмичани во првото полувреме кои не искористија повеќе шанси за зголемување на водството. Домашниот Борец израмни во 58 минута. До крајот на мечот пандевци создадоа уште неколку шанси преку Ѓеоргиев и Пандев но не успеаа да ги освојат трите бода.

Со ова реми, Академија Пандев го препушти второто место на Шкендија и сега се на делба на третата позиција со Македонија ЃП.

По денешното реми стратегот Ѓорги Стојчев ја превзеде одговорноста за ,,изгубените” пет бода во последните два меча најавувајки оставка

,,Благодарност до Горан Пандев, ФК Академија Пандев. Со срце и душа работев од создавањето на клубот па се до денес. После двата последни резултати одговорноста ја превземам јас како тренер. Посакувам на клубот, играчите во иднина исполнување на зацртаната цел и се надевам ФК Академија Пандев ќе игра во Европските натпреварувања !!!,, напиша Стојчев на ФБ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.