По барање на жителите на Сушево, Општина Василево го уреди центарот на ова населеното место со нови содржини

703

По барање на жителите на населеното место Сушево, општина Василево го уреди центарот на ова населено место кое беше запуштено и руинирано. Инвестирани се околу 400 илјади денари општински средства, со кои целосно е сменет ликот на центарот на Сушево каде се подигнати нови содржини каде што граѓаните ќе може да  се собираат и одмораат.

„Уште едно ветување стана реалност! Општина Василево се менува, ветувањата кон граѓаните се реализираат“, напиша на својот ФБ профил градоначалникот на општина Василево Славе Андонов,  по неговата денешна посета на населеното место  Сушево во чиј центар општина Василево изгради ново урбано катче за жителите.

Како што информира градоначалникот Андонов, со овој проект кој е всушност и барање на жителите од Сушево, центарот на населеното место добива нови содржини односно  поплочување со бекатон плочки и бетонски ивичњаци, поставување на урбана опрема, ново осветлување,  клупи и корпи за отпадоци, поставување на фонтана, хортикултурно уредување со високо и ниско зеленило како и со сезонско цвеќе со што  запуштениот и руиниран центар во Сушево станува  минато  а граѓаните на Сушево добија соодветен простор за одмор и дружење.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.