Почна да се гради „Парк Шума“ над Валандово на 22 000 m² – првата фаза чини околу 46 илјади (видео)

2863
Во март годинава градоначалникот на Валандово Перо Костадинов објави видео анимација како ќе изгледа Парк шумата над градот...

Минатиот месец  над Валандово почна да се гради Парк Шума со урбана опрема која ќе се протега на околу 22 илјади метри квадратни. Кавадаречката фирма „АС Машини“ го доби тендерот за реализација на првата фаза за 45,8 илјади евра и до крајот на годинава ќе треба да ги реализира сите предвидени активности од техничката спецификација. Според видео анимацијата што ја објави градоначалникот Перо Костадинов пред неколкиу месеци на ова локација планирани се повеќе пешачки патеки, рекреативни зони, адреналински катчиња но и декоративно езеро.

Се градат пристапни патеки од камен и бетон кои треба да бидат широки 1,2 метри…

Оперативата на кавадаречката фирма веќе почна да ги изведува пристапните патеки од бетон и камен широки 1,2 метри  но и да се изведи потпорен ѕид како и ѕидови на амфитеатар, скали за качување и подести. Фирмата што го добие тендерот треба да монтира четири метални портали но и да постави доводна мрежа со систем за наводнување на постоечките садници со две потопни пумпи за вода но и да спроведе електрична инсталација до самата локација.

Првата фаза ја реализира „Ас Машини “ од Кавадарци за 45,8 илјади евра а на распишаната јавна набавка се јавила и фирма од Студеничани…

Според видео анимацијата што ја објави градоначалникот Перо Костадинов во март годинава на локацијата каде ќе се гради Парк шумата –  планирани се повеќе пешачки патеки, рекреативни зони, адреналински катчиња но и декоративно езеро. По завршување на првата фаза се планира општината да обезбеди средства и за реализација на втората фаза од овој проект. (В.Т)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.